По повод 123 годишнината од раѓањето на една од најпознатите светски дизајнерки Коко Шанел, која со својата работа засекогаш го промени лицето на модата во продажба е пуштена нова биографија за модната икона и тоа во илустрирана верзија.
Илустрациите се дело на Нина Косфорд, а текстот го потпишува Зена Алкајат, која за биографијата ги истражила сите книги поврзани со животот на дизајнерката, па дури и необјавени текстови и делови од книги од животот на Шанел.
Илустрациите и зборовите го опишуваат комплицираниот приватен и љубовен живот на дизајнерката, но и неверојатната кариера која ја создала благодарение на нејзиниот револуционерен талент.
Во книгата ќе најдете и многу интересни моменти и разговори што таа ги имала со некои од познатите дизајнери, но и нејзини бројни цитати, како и исечоци од приватни писма и дневници што ги водела.
Книгата е уште една интересна илустрација на животот на дизајнерката која со својата страст и визија долги години беше на врвот на модата, а зад себе остави неодоливи и уникатни дизајни кои сведочат за нејзиниот талент.