Мишел и Барак Обама вчера добија нови портрети, од кои беа воодушевени. Уметничките дела беа презентирани во националната галерија „Смитсонијан“ во Вашингтон, а светските медиуми утринава се преполни со информациите за случувањето.
За изработката на овие портрети, поранешната претседателска двојка сама ги одбра уметниците. Така, портретот на Мишел, кој и прв беше презентиран го изработи сликарката Ејми Шералд, додека зад оној на Барак се потпишува Кеинду Вилеј.
И уметниците и Обамови не го криеја задоволството од сработеното.
„Размислувам за младите Афроамериканки кои во иднина ќе доаѓаат во оваа голема американска институција и ќе имаат можност на ѕидот да видат некој кој е сличен со нив. Знам какво големо влијание и поттик ќе има тоа врз нив, бидејќи и јас бев една таква млада девојка“, изјави Мишел Обама.
Ејми Шералд е позната по тоа што во своите дела ги разработува темите на социјална правда, притоа фокусирајќи се на обликот и бојата пред сè, а помалку на реалистичниот приказ.
Инаку, посебно се коментираше и фустанот во кој позирала Мишел. Се работи за миди фустан, со широко здолниште и со геометриски принт. Креацијата е од американскиот бренд Milly, односно дизајнерката Мишел Смит, колекцијата пролет 2017.
За потсетување, поранешната прва дама на една од последните обиколки на Белата куќа носеше токму комбинација (црни панталони и кошула на риги) од истиот бренд.
Од друга страна, Барак Обама, 44-от претседател на САД, во свој стил се пошегува дека му рекол на уметникот да му ги намали ушите и да направи седите влакна да исчезнат.
Инаку, Кеинде Вилеј и првиот афроамерикански уметник кој се потпишува зад службен претседателски портрет, а се образувал на Јејл. Познат по големите живописни портрети на афроамериканците, а токму таков е и овој на Барак
„Грижата, прецизност и визија во тоа Кеинде ја препознава убавината и достоинството на луѓето кое често се и невидливи во нашите живот и како ги поставува на големото платно, се неверојатни и нè тера да ги гледаме и конечно да ги видиме“ вели Обама.
Генералниот впечаток и на медиумите и на критичарите е дека овие портрети отскокнуваат од досегашните претседателски портрети, со што Мишел и Барак Обама повторно ја освоија американската јавност.
фото извор: elle.com; harpersbazaar.com;