Еден од најуспешните македонски модели Павле Николовски повторно ја потврди својата успешна кариера благодарение на неговите ангажмани во Босна и Херцеговина.
Неодамна, тој беше повикан да биде дел од кампањата за новата колекција на дизајнерката Емина Хусеџиновиќ, а беше дел и од фотосесија за познатиот магазин Hello.
Минатата година, Николовски беше заштитно лице на српскиот бренд Barbosa, а се чини неговата успешна кариера на Балканот продолжува.
Покрај со неговата професионалност, манекенот успеа да го освои Балканот со карактеристичната руса коса и одличните пропорции.
„Во моментов се работи на уште еден голем проект во новата сезона, но да не ги откриваме сите детали“, велат од неговата матична агенција MODELS IN од Скопје.