Поп-ап продавница за македонски дизајн во МКЦ

Младинскиот културен центар викендов ќе биде место каде што сите почитувачи на добриот дизајн ќе имаат можност да ја видат работата на македонските дизајнери од различни гранки. Настанот е во организација на некогашната концептуална продавница Лудус, а на продажба ќе се најдат производи од повеќе избрани дизајнери. Во рамки на настанот ќе се одржат и предавања на теми од областа на дизајнот.

Покрај организаторите, посетителите ќе имат можност да видат дел од колекциите и производите на „Линија“, Микка, Андреј Бартлинг, Acidwear girls, Куфер, „Вибрациони“ - Александра Митковска, Le Brand - Лили Кадинска, како и Мелани Димитровска, „Гоблен“, Ани Соро и други...

Исто така, сите посетители ќе можат да видат и да си набават дизајнерски производ за домот, а љубителите на храната ќе имаат можност да уживаат во презентации на дизајн на храна.

Заинтересираните нека повелат в сабота и недела во Галеријата во МКЦ со почеток од 12 до 22 часот. За повеќе информации можете да се информирате тука.