Роберто Кавали презентираше мини колекција во Бразил

Светски познатиот дизајнер Роберто Кавали во Сан Паоло ја презентираше својата мини колекција за модната недела C&A Бразил.

-Среќен сум што ја имам можноста да ја презентирам својата работа во оваа прекрасна земја. Исто така сум задоволен од присуството на овој моден настан во Бразил. Кога размислувам за новата колекција, замислувам фантастична забава каде сите жени се облечени во гламурозни и сензуални парчиња облека, вели Кавали и додава дека инспирацијата секогаш ја црпи од природата и чудата што таа ги создава.

Капсулната колекција на Кавали ја карактеризира животинскиот принт имплементиран на дневни парчиња, гламурозни вечерни модели како и впечатливи аксесоари. Неодамна беше објавен и едиторијалот  од официјалната рекламна кампања чие заштитно лице е манекенката Ирина Шајк.