Шест млади британски дизајнери во трка за грант од 200 илјади фунти

Emilia Wickstead

Емилија Викстед, House of Holland, Марија Катрантзу, Осман, Питер Пилото и Зое Јордан, се шесте дизајнерски имиња што влегоа во потесниот избор за грант од 200 илјади фунти. Листата е селектирана од  Британскиот моден совет и престижниот магазин Вог, а уредничката на Вог, Александра Шулман  и претседател на фондот, вели дека е задоволна од овогодинешната листа на млади дизајнерски имиња чиј креативен потенцијал и талент заслужува финансиска поддршка.

Henry Holland

-Задоволна сум бидејќи тие се група со значителен талент што го демонстрираат богатството од идеи и креативност во модната индустрија, вели Шулман.

Конечниот победник ќе добие сума од 200 илјади фунти за развој на инфраструктурата на неговиот бизнис, како и едногодишно менторство преку програма за раст на целокупниот дизајнерски труд.

Mary Katrantzou

Овој фонд за поддршка е формиран во 2008 година од страна на претседателот на Британскиот моден совет, Харолд Тилман, а мината година помошта да стане глобален бренд  ја доби дизајнерот  Николас Кирквуд, а пред него добитници беа и дизајнерите: Ердем, Кристофер Кејн и Џонатан Сандерс.

Osman Yousefzada

Peter Pilotto

Zoe Jordan