Танчарот Илија Карадакоски во одличен тандем со Симона Попоска за новиот спот

Талентираниот  танчар Илија Карадакоски од танцовиот клуб „Prima Danza“, кој пошироката јавност го запозна преку шоуто „Танц со ѕвездите“ е партнерот на пејачката Симона Попоска во нејзиниот нов спот за песната „Сакам се“.

Интересно е што во овој видео запис ќе имаме можност да ги видиме и танчарските способности на Симона во што и помогна и професионалниот танчар Илија.

Песната и спотот со наслов “Сакам се” е комплетно авторско дело на Sky Eye Entertainment. а е снимен низ повеќе локации во нашава земја.

„Се подготвувавме напорно за спотот, танцот и играњето на сцена се неизбежен дел од моите настапи затоа посетувам и часови по танц”, вели пејачката која за потребите на овој спот научи и нови чекори благодарение на нејзиниот партнер и инструктор по танц.

Се очекува спотот да биде објавен за десетина дена, а пејачката најавува и нова фотосесија, како и нови песни на македонски и англиски јазик.