Том Форд повторно го облече Џејмс Бонд

Тајниот агент Џејмс Бонд заслужено го доби статусот на модна икона, а дел од заслугата секогаш му се препишува на дизајнерот кој е со него во заедничка мисија.

Том Форд и Џејмс Бонд се покажаа како одличен тандем, па нивната соработка продолжува и во следниот филм насловен „Spectre".

Даниел Крег, кој повторно ќе го толкува ликот на агентот, ќе носи шест различни стајлинзи со потписот на Форд, специјално дизајнирани за него. Изгледите вклучуваат костуми, вечерни одела, маички, вратоврски, очила – сите рачно изработени во Италија.

Ова е трет пат како Форд е дел од мисијата на 007. Претходно ги дизајнираше костумите за агентот во „Skyfall " и „Quantum of Solace".

Светската премиера на филмот е закажана за 26 октомври во Лондон.

Инаку, Даниел Крег кој по четврти пат ја игра улогата на Џејмс Бонд, во интервју за Esquire зборува за можноста дека нема повторно да се врати во оваа улога.

„Навистина не знам. Искрено. Не се обидувам да ја резервирам улогата. Во моментов не можам ни да ја замислам", вели актерот во интервјуто.