Погодете од прва која ќе биде новата Бонд девојка

Речиси секојдневно дознаваме некоја нова информација поврзана со агресивно интензивните ангажмани на манекенката Кара Делевињ, која едноставно не запира. Оттука, веќе погодувате во каква улога ќе се најде надвор од модните писти. Делевињ која во филмот Ана Каренина го делеше филмското платно со Кира Најтли, овојпат можеби ќе ја игра главната женска улога во новото продолжение за агентот 007.

Како што пренесуваат странските медиуми, Кара веќе контактирала со продуцентот кој покажал интерес  дека сериозно размислува да и ја даде улогата на британската манекенка.

Кара моментално го снима високобуџетниот филм за Петар Пан, заедно со Хју Џекмен, а улогата на Бонд девојка како што вели таа,  би била остварување на голем сон.

Новиот филм за тајниот агент го носи насловот „Бонд 24“ и ќе го режира Сем Мендез, додека главната машка улога повторно ќе ја има Даниел Крег. Премиерата се очекува кон месец ноември 2015 година.