Трикови за слоевито облекување: Како да изгледате добро и да ви биде топло во исто време оваа есен

За многумина идејата од повеќеслојна облека за време на студените месеци во годината предизвикува непријатно чувство. Неретко замислата која ја имаме во главата е поврзана со невкусно и неатрактивно „натрупани" слоеви парчиња облека кои ја кријат нашата силуета.

Но, воопшто не значи дека модата и стилот треба да страдаат во името на удобноста и топлината. Сè што ви е потребно е храброст и желба да експериментирате, и неколку корисни трикови кои ќе ви го променат овој став засекогаш.

1. Плетиво врз рамениците

Префрлање на шарен џемпер околу рамената е стар стилски трик што честопати ќе го забележите кај членовите на голфските клубови. Оваа сезона одлучете се за една од трендовските бои на плетиво и обидете се со овој трик со што ќе му дадете дополнителна софистицирана нота на изгледот.

 Фото: Pinterest

2. Еко кожа

Користете парчиња од еко кожа за дополнителна топлина, без разлика дали се работи за кошула, панталони или блејзер.

 Фото: Pinterest

3. Слоеви од плетиво

Еден од најпопопуларните трикови е несомнено наслојувањето на плетените ткаенини. На пример, на плетеното здолниште и џемпер можете да додадете уште еден џемпер преку рамениците.

 Фото: Pinterest

4. Црна ролка

Црната ролка е идеално парче за слоевити комбинации што можете да го носите под сè,од фустани до кошули до кардигани.

 Фото: Pinterest

5. Плетен елек

Уште еден начин да додадете дополнителен слој на вашиот изглед без да се чувствувате гломазно е да носите плетен елек над кошулата и маичката.

 Фото: Pinterest

6. Блејзер под палтото

Дополнително загрејте се со додавање на блејзер под палтото или капутот.

 Фото: Pinterest

7. Кардиган под блејзер

Одличен начин да се загреете е да носите волнен кардиган под омилениот блејзер.

 Фото: Pinterest

8. Дуплирање на џемпери

Кога не сте премногу инспирирани, обидете се да носите потенок џемпер под подебел. Два џемпери се дефинитивно подобри од еден во постудените месеци.

 Фото: Pinterest

9. Предимензиониран шал

Покрај тоа што ќе го загрее вашиот врат, предимензионираниот шал ќе го загрее и целиот горен дел на вашето тело.

 Фото: Pinterest

10. Дуксер со качулка под палто

Можеби ви е тешко да замислите да носите дуксер на друго место освен теретана или дома, обидете се следен пат да го искомбинирате со струкирано палто и фармерки.

Фото: Pinterest