Во срцето на балската Виена, на престижната улица Kohlmarkt, пред неколку дена беше отворен нов ексклузивен бутик на модната куќа Диор.
Продавницата се простира на два ката и опфаќа простор од 370 квадратни метри. Луксузното здание е уредено за да потсетува на првиот продажен простор што оваа модна куќа го отвори на париската Монтењ Авенија. Меѓу првите „соседи“ на Диор се Шанел, Ермес и Гучи.
Шармантните цветни излози се најубавиот украс на продавницата и навистина го мамат сечиј поглед, а се ексклузивно дизајнирани и стилизирани од креативниот директор Раф Симонс. По скандалозниот отказ на Џон Галијано се чини дека креативниот тим на брендот чекори напред со полна пареа и благодарение токму на брилијатниот Симонс, освојува се поголеми пазари и се подобро котира на листите за најдобри брендови во модната индустрија.
Спектакуларното отворање на новата продавница го посетија голем број љубопитни посетители кои припаѓаат на високите општествени кругови во Виена, но и голем број познати личности.