Ворнер Брос подготвува колекција на костими

Ворнер ја ангажираа дизајнерката Лорен Моши да создаде колекција која ќе биде тематски одредена, а ќе се однесува на костимите на суперхероите. Во колекцијата ќе бидат опфатени дел од најпознатите ликови, од Жена воин до Супермен.

„Овие ликови се дел од моето детство и костимографот во мене ќе може одлично да се поврзе со нив“, изјави Моши за американските медиуми.

Соработката ќе се однесува на капсула колекција, која ќе содржи од 30 до 35 парчиња, вклучувајќи и фустани, маици, чанти. Цената пак на парчињата ќе се двожи од 98 долари до 202 долари. Првите модели ќе се појават во американските продавници кон крајот на месецов, а останатите до крајот на февруари.

Колекцијата ќе биде достапна и онлајн.