Закажан датумот за погребот на Оскар де ла Рента

Официјалната церемонија по повод погребот на дизајнерот Оскар де ла Рента ќе се одржи во црквата Св. Игнатиј Лојола на 84 – тата улица која се наоѓа на Парк Авенијата, во Њујорк на трети ноември, каде блиски пријатели и членови на семејството ќе му ја оддадат последната почит на дизајнерот кој замина од овој свет  минатава недела.

Модните икони, Ана Винтур и Диан фон Фурстенберг кои беа и долгогодишни пријатели на дизајнерот, се очекува да присуствуваат на церемонијата. Имено, мисата каде за последен пат присутните ќе можат да се поздрават со великанот на модниот свет ќе се одржи во истата капела каде што беше погребана и Џеки Кенеди Оназис.

Оскар де ла Рента почина на 82 годишна возраст, по неколкугодишна битка против ракот.