Креативниот директор на Ланвин ја претстави посебната, предесенска колекција за 2014. Опуштена силуета е загаситите тонови се она што е прво воочливо. Панталоните се со опуштен крој, дури и малку наликуваат на оние за џогинг, додека парчињата како капути и јакни се украсени со крзно.
Во креацијата преовладуваат набори на рабовите на здолништата и блузите. Значаен дел од предесенската мода е инспириран од машката облека, односно од смокингот како и различни видови капи и шапки.
Веќе пишувавме дека тренд се предимензионираните капути, како и елечиња и големи шалови преку нив, а единствената силна боја која често се појавува во колекцијата е црвената.
Кога се аксесоарите во прашање, масивните ѓердани се задолжителни, а за чевлите дизајнерот ги предложува практичните мокасини или пак секси чизми на високи потпетици, но со средна должина.
Погледнете дел од колекцијата во продолжение: