Виктор Хорстинг и Ролф Снорен лансираа колекција која за разлика од нивните претходни се разликува по колоритноста на модните парчиња. Идејата од ресорт колекцијата за 2015 година своите корени ги влече од пролетната колекција за висока мода, односно балерина формата е присутна низ сите креации, со тоа што преовладуваат набори, пеплум, волуменозни парчиња, а централно место зазема белата кошула во форма на лебед.
Дизајнерскиот тим на Џил Сандер за ресорт колекцијата се реши да вметне еднобојни парчиња за чија инспирација послужија делата на германскиот артист Thomas Schütte. Концептот кој преовладува низ креациите е едноставен крој, кој дополнето со ремени околу струкот овозможува стилиризирање на изгледот. Од ресорт колекцијата, посебно се издвојуваат мантилите кои со врзување околу половината нудат волуменозност на долниот дел, како и палтата и јакните кои овозможуваат динамичност во движењата.