Свечена колекција на Манго за оваа пролет

Шпанскиот моден гигант Манго за оваа пролет дизјанираше специјална свечена колекција. Со оглед на тоа дека веќе почнуваат подготовките за матурските забави и свадбените свечености, ова е сосема очекуван потег од модната куќа.

Линијата се состои од раскошни долги фустани украсени со ситни камчиња, свечени сакоа и палта во силвер варијанти, широки панталони, минималистички комбинизони, едноставни блузи со впечатливи детали, торби и накит.

Во колекцијата е направен суптилен спој на едноставноста и женственоста, така што повеќето парчиња и покрај тоа што се примарно наменети за посебни пригоди, можат лесно да се прилагодат и на вашиот секојдневен стил.

Доминираат пудрестите тонови, цветните мотиви, транспарентните материјали како и лежерните и опуштени кроеви.