Во новата колекција на Валентино, белата кошула и црната вратоврска се на едно сосема ново ниво

Пјерпаоло Пичоли во новата колекција за Валентино, размислуваше низ очите на неговата ќерка – тинејџерка.

Имено, во една прилика минатата година, таа позајмила одело од неговиот плакар и сама го искомбинирала со бела кошула и црна вратоврска.

Овој класичен изглед, непознат во светот на тинејџерите од новата генерација, добива сосема нова смисла.

И токму со расплетување на оваа идеја тргнал Пичоли во создавањето на концептот за колекцијата есен-зима 2023/24 за Валентино.

Белата кошула и црната вратоврска во оваа колекција се на едно сосема ново ниво, со нова младешка енергија, а токму таков е и кастингот на моделите – за најавтентично да ја доловат таа бунтовност на новата генерација адолесценти.

Но, далеку од тоа дека оваа колекција го ограничува таргетот на кој му се обраќа.

Напротив, ова е колекција која им припаѓа на сите генерации со бунтовнички дух.

Претежно црно-бела, некаде андрогена, а некаде романтична, базични парчиња како белата кошула и црното сако, модифицирани со пердуви и карнери – функционално споени во една нова димензија на класиката.