Инспиративната љубовна приказна на кралицата Елизабета Втора и принцот Филип

На 8 септември, британското кралско семејство ја објави потресната вест дека кралицата Елизабета Втора почина на 96-годишна возраст, објавувајќи на Твитер: „Кралицата почина мирно во Балморал попладнево". Смртта на кралицата следеше нешто повеќе од една година откако нејзиниот сопруг, принцот Филип, почина во април 2021 година.

Приказната за нивната 73-годишна романса е една од најинспиративните досега, вистински пример како еден брак го издржува тестот на времето, од самиот почеток кој за нив значел љубов на прв поглед, преку љубовни писма разменувани во текот на Втората светска војна до тајно свршување, гламурозна свадба и градење семејство со четири деца, меѓу кои принцот Чарлс, принцезата Ана, принцот Ендру и принцот Едвард.

Фото: usmagazine.com

Долго пред парот да започне со владеењето со британската монархија, двајцата се запознале на Кралскиот поморски колеџ „Британија" во 1939 година кога Филип, 18-годишен кадет, бил запознаен со принцезата Елизабета од Англија (13), додека таа била на турнеја низ местото.

Истата година нивната романса брзо процветала и набргу тајно се вериле. Парот се венчал на 20 ноември 1947 година, пред 2.000 гости во Вестминстерската опатија.

Фото: eonline.com

Иако кралицата Елизабета и принцот Филип имаа свои подеми и падови во текот на нивниот брак, нивната врска останува уникатен пример за љубов и истрајност. Во продолжение погледнете неколку фотографии кои ја отсликуваат седумдецениската љубовна приказна на парот.