И Винона Рајдер во кампањата на Марк Џејкобс
•
29 јуни 2015
Актерката Винона Рајдер е уште едно од познатите лица што се дел од кампањата на Марк Џејкобс за есен-зима 2015.
Од модната куќа ги објавуваат имињата и фотографиите дел по дел, сè додека на крајот не ја добиеме комплетната приказна. Досега ги видовме Вилоу Смит, Шер, Деби Мазар, а сега се приклучува и поранешната љубов на Џони Деп:
-Винона и јас сме пријатели повеќе од 15 години. Во наша кампања се појави за првпат во 2003 година. И еве ја повторно, убава и уникатна како и секогаш – вели дизајнерот.
Зад фотографиите се потпишува Дејвид Симс, а друштво на досегашните ѕвезди ќе им прават и моделите Бети Лоу (сестрата на моделот Дејзи Лоу), Џулија Нобис, Моли Блер и Сиера Скај.