Времето периодов е исклучително променливо, па токму поради тоа сè почести се настинките, кашлицата и разните вируси кај возрасните, но и кај најмалите.
Откако ќе го елиминирате Ковид-19 како причинител на симптомите, посегнете по природни начини за да се борите со настинките и вирусите и да внесувате многу витамини.
Постојат неколку добри рецепти кои досега се покажале како ефикасни, па сега е време да се потсетиме на истите и да ги направиме уште денеска, па дури и како превентива за настинките.
За овој рецепт потребни ви се две супер намирници кои секогаш ни се при рака – мед и куркума.
Подготовка:
Измешајте една лажица куркума со 100 грама мед. Мешајте додека смесата не стане хомогена. Во претходно добро измиена стаклена тегличка ставете ја содржината и херметички затворете ја.
Оваа навидум едноставна мешавина од мед и куркума е одлична поради тоа што дезинфицира, делува како антиоксиданс и е супер ефикасна против сите воспаленија.
Се препорачува првиот ден да се зема по пола лажичка од смесата, а пред да ја голтнете, оставете ја неколку секунди да се растопи во устата. Вториот ден земете по пола лажичка на секои два часа, а третиот ден намалете на три лажици дневно.