Семи Џифкот: Инспиративна блогерка вљубена во тетоважите и уникатните стајлинзи
14 август 2019
Во потрага по инспиративни ликови што сакаме да ви ги презентираме, наидовме на Инстаграм профилот на Семи Џифкот, прекрасна блогерка со голема љубов кон тетоважите, модата и шминките.
View this post on Instagram
Оваа шармантна млада мајка од Британија веќе неколку години успешно води моден блог и канал на Youtube, а нејзиниот уникатен стил и љубов кон тетоважите се и повеќе од очигледни.
Во интервјуто за магазинот Le Buzz таа ќе каже дека нејзиниот блог и официјално започнал со работа во 2017 – тата година, по што следел и каналот на Youtube, за денеска да има повеќе од половина милион следбеници.
Таа е мајка на малиот и пресладок Кејси со кого сака да поминува најголем дел од времето, но како што вели, секогаш се обидува да најде момент и за себе.
„Мислам дека најважно од сѐ е да запамтите дека не сте само мајка, колку и да е таа улога благородна. Обидете се да одвоите време и за себе, дури и тоа да е за едноставни работи како бања, читање книга, ставање на маска. Понекогаш е тешко да останете трезвени, но ако си направите мали паузи за себе во денот, тоа многу ќе ви помогне“, вели Семи во интервјуто.
Нејзиниот стил е навистина интересен и впечатлив, а како што самата вели, шминките и облеката почнале да ја интересираат на 13 годишна возраст кога и почнала да експериментира.
Парчињата најчесто ги набавува од нови продавници што постојано ги открива, па токму затоа и секогаш изгледа супер уникатно и поразлично од сѐ она што можеме да го видиме на Инстаграм.
Како што може да забележите, таа негува огромна љубов кон тетоважите, а ќе каже дека повеќе не ги брои, туку само наоѓа причина за да стави нова. Нејзиниот омилен бренд е Гучи, што може и да се забележи од фотографиите, а парче без кое не излегува од дома е вереничкиот прстен на нејзиниот татко.
Погледнете ги фотографиите од оваа прекрасна девојка која е вистинска инспирација за супер стилски стајлинзи и шминка за секоја пригода.
Инфо: Le Buzz,
Фото: Inkppl.com, Instagram/sammijefcoate
