Понеделник во фустан на преклоп и широк ремен
•
10 август 2020
Добро утро. Новата работна недела ја започнуваме стандардно со Стајлинг на денот. Нашиот денешен предлог е фустан на преклоп, без ракави во бела нијанса.
Со едноставен крој и линија, тој е во комбинација со широк ремен во сива нијанса, со што може да го прилагодите на телото.
Дискретни обетки во истите нијанси, како и очила за сонце се модните додатоци со кои е заокружен стајлингот. Обувките не се прикажани на фотографијата, но чевла со висока потпетица, или доколку сакате нешто удобно, чевли со широка и пониска потпетица ќе бидат супер избор.
Имајте убава работна недела.