Во лето сакаме лесни и брзи рецепти, кои нема да ни одземат многу време, а сепак се многу вкусни.
Доколку немате идеја што викендов за ручек, а сакате да е нешто лесно и летно, ние имаме супер предлог - потпечени тиквички со сирење.
Потребно: 3 тиквички, 3 јајца, 3 чешниња лук, 200 грама нарендано сирење (чедар, гауда, или друг по избор), 100 мл кисело млеко или павлака, 30 грама нарендан пармезан, 2 лажици путер, 1 лажичка сушен босилек, сол и бибер по желба, свеж магдонос за декорација.
Начин на подготовка:
-Загрејте ја рерната на 180 степени
-Тиквичките измијте ги, потоа потрудете се да бидат суви и исечкајте ги на тркалезни парчиња со дебелина околу половина сантиметар.
-Во провоаголно тавче за печење, нанесете путер, па врз него наредете ги исечканите парчиња тиквички.
-Врз тиквичките рамномерно ставете половина од наренданото сирење.
-Во друг сад, изматете го јајцето, додадете пармезан, кисело млеко/павлака, сол, бибер, сушен босилек и исечканиот лук.
-Смесата прелијте ја преку тиквичките и сирењето и ставете во рерна да се пече околу 25 минути.
-Извадете го од рерна, па потоа ставете го одозгора остатокот од наренданото сирење и печете уште 5 до 10 минути додека сирењето не се растопи, а тиквичките испечат.
-На крајот, нанесете ливчиња магдонос и јадете со свежа сезонска салата.
На здравје!