Македонскиот интернационален модел Андреј Пајмакоски неодамна сликаше кампања во Белград за нов српски бренд „Философи“ (Philosophy).
„Ова секако не е негово прво или ново искуство. Пред да започне светската пандемија со Ковид 19, Андреј одлично работеше во Барселона за агенцијата „Two Management'. Неговата кариера и големо портофило му го донесоа голем број ангажмани, вклучувајќи го и последниот. Андреј ги има сите можни предиспозиции за светска кариера, се чека само на добар пласман“, вели неговиот матичен агент, Алек Наумовски од „Моделс Ин Менаџмент“.
Инаку, за интернационалниот пласман е задолжена реномираната српска модна агенција „Демонс Модел Менаџмент“ која работи и соработува со најдобрите светски агенции.
„Андреј е предодреден за голема кариера тоа се препозна уште на самиот старт, само да се поклопат коцките и неговиот успех е неизбежен“ додава Алек.
Во продолжение погледнете уште некои од фотографиите од неговиот последен ангажман.