Зое Кравиц во „Бетмен“ фустан за „Бетмен“ премиера

Во Лондон се одржа премиерата на новото остварување на „Бетмен“ во кое главните улоги ги имаат Роберт Патинсон и Зое Кравиц, која ја глуми Жената мачка.

Таа на црвениот килим се појави во црн фустан со потпис на „Сен Лоран“, кој совршено се вклопи во темата на остварувањето. Имено, фустанот има рабови на околувратникот и исечоци во долниот дел кај градите, кои формираат облик на лилјак, како совршена асоцијација на приказната за Човекот Лилјак, односно Бетмен.

Шминката и фризурата се минималистички, со што фокусот е сосема на фустанот.

Патинсон се појави во сиво одело и црна ролка.