Велигденски декор на скандинавски начин

Скандинавската естетика и животен стил се препознатливи по својата рационалност, чистина и минимализам.

Во која било уметничка форма, кога ќе се спомене скандинавски стил се мисли токму на овие референци.

Во пресрет на велигденските празници, веќе размислуваме за празничниот декор во нашиот дом и украсувањето на семејната трпеза, па ако скандинавската чистина е стилот во кој се пронаоѓате тогаш ќе ви ја посочиме скандинавската етикета за декор во домот, Nordic Nest.

Велигденски декор на скандинавски начин – е веројатно наједноставниот начин да се опише нивнат празнична колекција во која доминираат неутрални тонови, чисти линии и природни материјали.

Украси во форма на велигденско јајце или зајче, дрвени гранчиња, садови за послужување, висечки декорации, ја сочинуваат нивната понуда со која велигденскиот амбиент ќе добие нордиски шмек.

Со оглед на нивниот неутрален, а сепак допадлив дизајн, сите овие декоративни елементи лесно може да ги вклопите во вашиот празничен амбиент независно во каков стилски правец е истиот.