Стан во Финска со необичен ентериер и впечатливи детали

Архитектура
•
12 септември 2023

Иако сканди стиловите, минимализмот и неутралните беж нијансите преовладуваат кога е во прашање ентериер, сепак понекогаш наидуваме на нешто сосема поинакво што ни остава убав впечаток.

Еден таков стан пронајдовме на Инстаграм, а станува збор за дом во градот Оривеси во Финска.

Неговата сопственичка го уредува на интересен начин и вклучува елементи што се прилично неочекувани во еден ентериер.

Најголем впечаток со сигурност остава каминот во пастелно зелена нијанса, којшто доминира во дневната соба. Тука се надоврзуваат и жолтиот мебел, црно-белите завеси и деталите кои пак се приказна за себе.

Спалната соба е посебно убава со прекрасниот тапет и винтиџ лустерот.

Домот зрачи со топлина, а за тоа дополнително придонесуваат растенијата и сликите низ целиот простор.

Објавено:
12 септември 2023
Категорија: 
Архитектура