Пред десетина дена Зара на својот веб сајт го објави лукбукот за проектот „Pictures“. За реализирање на оваа идеја ангажирани се четири актуелни стилски икони кои ги носат модните парчиња на овој познат шпански бренд. Каролина де Магрет, Roy On The Street, Кејт Андервуд, Софија Санчез Баренсе и Јасмин Севел, позираа на сетот облечени во прекрасни модни комбинации, што на веродостоен начин го одразуваат нивниот вкус, животен стил и секако, љубовта кон парчињата облека на Зара.
Секоја од одбраните дами претставува еден стилски тренд, па така Каролина де Магрет е типичен претставник на рок шик естетиката која идеално се вклопува во нејзината комбинација со тесни фармерки, моторџиска јакна и рокерски, ниски чизми. Кејт Андервуд не може да живее без црната боја што доминира низ целиот нејзин плакар, а Јасмин Севел одлично кокетира во машки кроеви презентирајќи елегантен моден израз.