Нутела слави 50-ти роденден

„Раскажете ни ја вашата омилена Нутела приказна“ – гласи пораката која беше испратена до сите фанови на Нутела во февруари годинава. Сега кампањата продолжува на интернационално ниво со тв реклами со автентични приказни од фановите кои своите текстови, видеа и постови ќе може да ги испратат на официјалната веб страна на компанијата.

Најинспиративните приказни ќе бидат споени во компилација видеа кои ќе бидат објавени на официјалната веб страна, а во некои земји ќе бидат лансирани и тв реклами. Роденденската прослава ќе биде на 18 мај во неколку земји во светот, каде фановите ќе може да го прослават роденденот на нивното омилено слатко задоволство- Нутела.