Зара ви предлага слоевити комбинации за студените есенски денови

Познатиот шпански бренд Зара знае дека секоја жена во својот плакар треба да има парчиња облека кои се носливи и лесно се комбинираат во сите пригоди.

Затоа, модниот бренд  деновиве го презентираше својот нов лукбук кој е вистинско олицетворение на класични и функционални модни парчиња кои ќе го обојат вашето модно пулсирање со неверојатен стил како во текот на денот, така и во вечерните часови.

Во преден фокус се удобните плетива, лежерните маички, фармерките, оделата, вечерните фустани но и одличните капути. Зара,  дефинитивно за оваа есен ви предлага максимално да ја искористите вашата имагинација и да презентирате слоевити изгледи.

Познато е дека не треба во вашиот гардеробер да имате премногу парчиња, туку само неколку кои секогаш ќе можете лесно да ги искомбинирате и да изгледате неверојатно модерно, урбано и елегантно. Креирањето стајлинзи во овие студени есенски денови ќе ви биде неверојатно забавно и без никакви „главоболки“ бидејќи новите модели од Зара ќе се вклопат во сечиј стил. Одберете ги вашите омилени комбинации од галеријата која следи во продолжение: