Првиот едиторијал на Карин Ројтфелд за Harper’s Bazaar

Една од најценетите модни уреднички во модниот бизнис Карин Ројфелд во моментов го има ангажманот на глобален моден директор за сите 26 интернационални изданија на познатото списание Harper’s Bazaar. Откако пред две години ја напушти функцијата на главен уредник на париски Vogue, ингениозната Карин го лансираше својот магазин CR Fashion Book и продолжи да работи како стилист на одредени модни ревии и кампањи. Следниов моден едиторијал објавен во мартовските броеви на Harper’s Bazaar, е првата задача на Карин откако беше назначена за моден директор на магазинот. Таа е стилистот, фотографиите се на Каспер Каспржик, темата е манекенските лица и дизајнерите кои ќе бидат хит за сезоната пролет-лето 2013. На фотографиите познати модели како Џоан Смолс, Стефани Сејмур, Лара Стоун, Саскија де Брау носат креации на Живанши, Луј Витон, Баленсијага, Диор, Шанел. Том Форд, Селин, Азедин Алаја...