Родена е во Перу, по професија е адвокат, има свој еко-бренд за чанти и е поранешен модел, а од 2017-та година и принцеза откако се омажи за принцот Кристијан од Хановер.
Таа е Алесандра де Осма, вистинска модна икона од новата генерација принцези.
Не се експонира во јавноста и живее далеку од скандали, но нејзиниот имиџ и работа го заслужуваат целото внимание.
Со принцот Кристијан се запознале уште во 2005 година, кога таа имала 14 години и била негов туристички водич при една негова посета на Перу. Нивната врска ја започнуваат шест години подоцна. Еден период живееле во Мадрид. Се вериле во 2017-та и истата година се венчале во Лондон, а големата свадбена церемонија ја одржале во Перу. Од неодамна се и родители на близнаците Николас и Софија.
Порано како модел имала успешна кариера и работела за брендови како Ботега Венета, Мисони и Пепси. Блиската релација со модата ѝ отворила многу перспективи, па не е случајно што заедно со нејзина пријателка започнала и свој моден бизнис – еко дизајн на чанти под етикетата Moi & Sass.
Нејзиниот стил е беспрекорен. Авангардна е во секој аспект. Успешно владее и со уличната мода каде важи за една од омилените принцези која знае со фустан да облече и патики. Секое нејзино појавување, независно дали се работи за формален или неформален настан, е стилска лекција.
Запознајте се со Алесандра де Осма...
Фото: Пинтерест