Свечените тоалети можат да се перат во машина за алишта?

Колекцијата Висока мода што може да се пере во машина за алишта (Haute Couture Washable), англискиот дизајнер Жил специјално ја дизајнираше во соработка со компанијата за нега на ткаенини P&G (Procter & Gamble).

Многупати досега ни се случило на омилениот фустан да направиме некоја дамка и потоа на сите начини да се трудиме истата да ја исчистиме за тој повторно да изгледа како претходно.

Сега, постои сосема нов начин за тоа. Дизајнерот во соработка со P&G создаде и производ со кој ќе можете дома да си ги перете и одржувате вашите омилени свечени тоалети директно во машината за перење алишта.

Користејќи дизајнирани материјали и иновативни конструкции, англискиот дизајнер, креираше капсулна колекција на фустани на кои беше тестиран новиот производ Ecodosi 3 in1, кој преку систем на разградување на извалканите честички ги отстранува дамките од облеката, без таа да го изгуби својот сјај.

„Од соработката со експерти како P&G, научив дека потрошувачите сакаат нивната облека да им изгледа како нова што е можно подолго. Сигурен сум дека со текот на времето, се повеќе и повеќе дизајнери ќе ја земат в предвид можноста дизајните што ги креираат да можат да се перат и во машина за алишта“, изјави Жил кој беше и почесен гостин на првиот конгрес на P & G, организиран во Милано, каде што се презентираше и колекцијата.