Најмладата жена премиер на светот Сана Марин – светла точка на светската политичка сцена
•
12 јули 2022
Сана Марин е најмладата жена премиер што некогаш Финска ја имала, а воедно и најмладата жена премиер во светот. Откако во 2019 година, на 34-годишна возраст дојде на оваа позиција, Сана Марин е трет по ред најмлад лидер на чело на држава, по Дритан Абазовиќ, премиерот на Црна Гора и Габриел Борич, претседателот на Чиле. Со овој статус Сана Марин веќе е во историјата, не само на својата земја, туку и во историјата на светската политика.
Магистер по административни науки, сопруга, мајка на тригодишната Ема, активист за човекови права и еднаквост, поборник за зачувување на животната средина и нејзиниот биодиверзитет...
На изглед оддава впечаток на скромност, смиреност и едноставност, нешто што е во културолошкиот код на скандинавските земји, што се добредојдени карактеристики и за профилот на нејзината функција заедно со знаењето, мудроста, образованието, чистиот морал и етика.
Природноста и непосредноста, можеби за многу светски политичари се несвојствени, изолирани далеку од секојдневниот живот меѓу „обичните". Но, примери како Сана Марин, која доаѓа токму од „обичните", се светла точка на светската политичка сцена, особено ако се земе предвид тоа што таа рационално ја оправдува шансата што Финска ѝ ја даде на нејзината младост.
Родена во Хелсинки во 1985 година, уште како дете се соочува со разводот на нејзините родители и со проблемите со алкохолот на нејзиниот татко, што ја продлабочува и финансиската криза во која запаѓа семејството. Но, оваа далеку од идилична слика од нејзиното детство од неа ќе изгради цврст карактер и амбиција да ги совлада сите препреки на животниот пат колку и да се чинело невозможно. Се вложува во образованието и во политичката кариера, паралелно градејќи го на нови темели своето семејство. Своите додипломски и мастер студии ги завршила на државниот Универзитет во Тампере, Финска каде што сега и живее. Додека студирала, работела во пекара и како касиерка. Пред да стане најмладата премиерка на Финска, била Министер за транспорт и врски и член на Парламентот од 2015 година.
Спротивно на декаденцијата која мас медиумите ја пласираат преку вештачки креирани идоли, оваа млада дама со својот интелект, појава и животен стил е здравиот лик на новата генерација.
Неодамна, на Интернет вирално се споделуваше нејзина фотографија фотографирана на рок концерт, каде Сана Марин носи мото јакна и мото чизми, и џинс шорцеви, фотографија во која може да се препознае и идентификува секоја жена, без да креира лажна слика за себе. Интернет јавноста не ги криеше симпатиите и позитивните реакции.
Ако земеме предвид дека и визулениот идентитет е битен сегмент на она што значи личен идентитет, сведеноста и минимализмот во стилот на оваа дама, само го потврдуваат нашиот позитивен впечаток.
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
