Ако ве фати криза за благо и се мислите што би можеле да се почестите кога ќе стасате дома, ние имаме еден вкусен и брз рецепт за вас.
Инспирацијата ја најдовме на профилот @kitchen4.me, а во продолжение ви го презентираме целиот рецепт:
View this post on Instagram
Потребни состојки (за 5 чаши):
-3 јајца
- 100 грама пишкоти
- 250 грама маскарпоне
- 100 грама шеќер
- Конзервиран ананас
- 1 лажичка рум
- какао за посипување
Подготовка:
-Се двојат жолчките од белките.
-Со 50 грама шеќер се матат жолчките на пареа.
-Откако ќе се изматат и оладат жолчките се додава маскарпоне, сето ова се мати да се изедначи.
-Во друг сад се матат белките со останатите 50 грама шеќер, се додека не се добие цврста смеса.
-Вака изматените белки постепено се додаваат во жолчките и маскарпонето и постепено се меша.
-Пишкотите се потопуваат во течноста од ананасот со 1 лажичка рум. Ананасот се сече на коцки.
-Во чашата прво се става кремот, врз него се ставаат пишкотите потоа сецканиот ананас и повторно филот.
-Постапката се повторува додека се наполни чашата .На крај се наросува со какао. Се декорира по желба.