И додека вниманието на цел свет е насочено кон Светското првенство во фудбал што се случува во Бразил, малку погоре на север, холивудските ѕвездени диви решија во градот на ангелите, Лос Анџелес повторно да бидат дел од уште едно издание на манифестацијата „Women in Film“. Како и секоја година манифестацијата беше поддржана од модната куќа Макс Мара, а се одржа во чест на жените кои имаат огромно влијание врз филмската индустрија.
Непрофитната организација „Women in Film“, секоја година доделува награди на актерки кои изминатата година оствариле имале најголем придонес во рамките на филмот. Главната хероина на церемонијата оваа година беше неодоливата русокоса Кејт Бланшет.
Според претставници на организацијата Кејт е олицетворение на добрина и милост и затоа заслужува да се најде на листата наградени. Покрај Бланшет, на настанот присутни беа и Ева Лонгорија, Кери Вашингтон, Меги Гиленхал, Лејк Бел и други.