Кејт Мос се посрамоти пијана во авион

Кејт Мос се појавила пијана на аеродромот во Бодрум, од каде летала за Лондон. Славната манекенка се обидела да се чекира без авионски билет, но тоа уште во самиот момент не и тргнало од рака. Изненадените патници не можеле да поверуваат дека манекенката си дозволила хистерично однесување пред сите.

Таа почнала да вика гласно за да ја пуштат во авионот, а после долг разговор со менаџерскиот тим на „Easy Jet“ компанијата, Мос сепак летала без билет.

Според информации од странските медиуми, патниците во авионот почнале да се шегуваат на сметка на манекенката, па во текот на летот известувале во каква состојба е Кејт. Секако, ова не е првпат славниот топ модел да направи скандали во јавност во алкохолизирана состојба.