Кјара Ферагни во пролетната кампања на Tod’s

Иако се претпоставуваше дека со оваа соработка Кjaра ќе стане новото заштитно лице на модниот бренд и ќе ја замени Гвинет Палтроу, сепак таа само ја претстави новата колекција за пролет-лето 2013.

Пред објавување на службените фотографии, претставниците на Tod’s го именуваа новиот креативен директор, Алесандра Фачинети, која доаѓа на местото на Дерек Лама, кој ја напушти куќата пред година дена.

Алесандра претходно работела за Гучи и Валентино и ја има дизајнирано линијата „Uniqueness“ во соработка со Пинко. Сега под нејзина ингеренција спаѓаат колекциите за облека и модни додатоци, а првите парчиња од неа ќе може да ги видиме во колекцијата пролет-лето 2014.