Кој е најдобриот модел за 2015?

Кога станува збор за девојки што најмногу доминираа во светот на модата во 2015 година, никако не можеме да ги заборавиме другарките Кендал Џенер и Џиџи Хадид.

Повеќе од очекувано беше некоја од нив да се најде на првото место на изборот на најдобар модел за 2015 година, но прекрасната Ана Еверс ги победи и двете.

Деновиве беше објавена листата на најдобри модели на која се најдоа девојки што навистина го заслужија тоа, а уникатната Германка Ана Еверс се најде на првото место според гласовите од модната индустрија.

Првото место според изборот на читателите го доби Џиџи Хадид, а како нова, надежна модна ѕвезда читателите ја избраа популарната Кендал Џенер.

Наградите беа доделени од Models.com чиј тим ги прегледува гласовите од 250 топ дизајнери, фотографи, стилисти, фризери и шминкери, кастинг директори и модни уредници.

Меѓу најпопуларните модели за 2015 беа и Џордан Дан, Андреја Пејиќ, Џулија Нобис, Лекси Болинг, Наташа Поли, Џоан Смолс, Карли Клос и уште неколку други.