Мишел Вилјамс во ретро фазон за Луј Витон

Во третата по ред кампања за чанти на реномираниот бренд Луј Витон, прекрасната Мишел Вилјамс не' разнежнува во една пастелна ретро приказна која не' навраќа во секогаш инспиративните 60-ти години.

Ако во претходните кампањи преовладуваа јаки и интензивни бои, сега палетата е смирена на основа на нежни и пастелни тонови. Всушност не само чантите, туку целата рекламна приказна е бајковито претопена во нежни бои и смирени линии.

33-годишната актерка е облечена во топла бела ролка комбинирана со фустан во А крој и чизми над глужд, кои се современа варијанта на модните трендови од средината на минатиот век.

„Континуираната серија соработки со актерката е резултат на нејзината комплетна личност во која истовремено се балансира помеќу моќната и кревката страна на жената“, велат од францускиот бренд за одлуката повторно да ја ангажираат Вилјамс за новата есенска кампања.