Протестанти ја пречекаа на црвениот килим: Џенифер Лопез, престани да носиш вистинско крзно!

Џенифер Лопез ја пречека непријатна ситуација на црвениот килим на Филмскиот фестивал во Торонто, како дел од промотивната турнеја за филмот „Hustlers“.

Покрај вообичаените процедури и позирањето пред фото објективите, пејачката и актерка се соочи со шокантна ситуација што го наруши стандардниот тек на црвениот килим.

За време на церемонијата се појавија протестанти, активисти за заштита на животните, кои со скандирања и пароли упатени кон Џенифер, ѝ укажаа на нивниот револт поради тоа што таа носи вистинско крзно.

„Џеј Ло мрази животни", „Џеј Ло престани да носиш вистинско крзно", беа само дел од паролите со кои Лопез беше принудена непосредно да се соочи.

Поради ваквиот склоп на околности, беше принудена побрзо да го напушти настанот.