Видео: Кампањата за Chanel No.5 со Мерлин Монро

Покојната Мерилин Монро едноставно блеска на одбраните снимки од неа што се дел од новата кампања за најдобро продаваниот парфем во светот Chanel No.5.

„Не сакам да спијам гола“, велела Мерилин кога ја прашувале за тоа со што најчесто сака да спие. Нејзината вистина всушност била дека таа сакала на себе единствено да го има неодоливиот Chanel No. 5.

„Знаете, ве прашуваат прашања како, што носиш кога одиш во кревет, дали носиш пижами, ноќница или било што“, изјавила таа во едно интервју за Мери Клер во април, 1960 година.

„Затоа, јас секогаш кажувам дека одам во кревет со Chanel No.5“, му појаснила Мерлин на новинарот што ја интервјуирал.

Ваквата изјава на Мерлин е вистински маркетиншки сон за француската модна куќа, која оваа година реши да го употреби нејзиниот разговор за нивната кампања за прекрасниот парфем.

Погледнете како изгледа кампањата за неодоливиот парфем со единствената Мерилин Монро.