Животот е убав: Коктел на Долче и Габана по ревијата на Капри

Славејќи го сето она што е убаво во животот, Долче и Габана организираа одличен коктел со бројни ѕвезди веднаш по одржувањето на нивната магична ревија на прекрасниот италијански остров Капри.

Уште еднаш, Стефано Габана и Доменико Долче докажаа дека се неверојатни патриоти, па дури и кога станува збор за изборот на местото каде ја прикажаа последната Алта Мода колекција пред нивните 200 гости.

Модниот новинар Хамиш Болс

Целиот настан, дефинитивно послужи како одлична реклама за нивната и онака волшебна и позната Италија.

Познати како одлични домаќини и уште подобри организатори на забави, тие направија вистински спектакл во ридовите на нивниот омилен Капри. На нивната приватна забава присуствуваше и прекрасната актерка Џесика Честен, трендсетерката Ана Дело Русо, Бјанка и Коко Брандолини, актерот Чиветел Еџијофор и многу други.

Особено интересна беше забавата што ја приредија дизајнерите за нивните гости која се состоеше од совршени италијански деликатеси и пијалаци, но и традиционална музика на која сите се забавуваа.

Погледнете како изгледа една забава организирана од Доменико и Стефано во магичната Италија.