Нема да згрешиме ако кажеме дека семејството Хадид е модно семејство. Откако Џиџи и Бела Хадид се вивнаа меѓу најпознатите и најплатени модели, и нивниот брат Енвор Хадид се впушти во светот на моделингот.
Меѓу неговите први појавување е и ова во октомвриското издание на Nylon, каде има и мини интервју, а патем се појавува и Бела, но не на иста страница.
-Моето семејство е мојата основа. Сестрите ми се прекрасни. Веројатно ќе ме научат сè што е потребно да знам за девојките – вели најмалиот Хадид.
Тој открива и дека неговата мајка Јоланда го научила секогаш да се однесува со манири.
-Мајка ми е мошне либерална, но истовремено и „старомодна“, традиционална кога се работи за манири. Таа ме научи секогаш другите да ги третирам со почит и да бидам љубезен – открива Енвор.
И покрај тоа што има од кого да учи, сепак, 16-годишното момче има и други планови. На прашањето како се замислува за 10 години, Енвор одговорил дека планира да оди на колеџ и да се насочи кон патот што ќе му открие која е вистинската кариера за него. Сепак, како вели 10 години се многу голем период за било што да се замислува.
Инаку, јавноста за првпат го запозна Енвор минатиот ноември кога ѝ беше придружба на Џиџи Хадид на црвениот килим на Американските музички награди.
Останува да се види дали ова момче ќе го има своето деби на писта и ќе го следи успехот на неговите сестри, или ќе остане хоби, на патот кон остварување на другите планови.