Жизел Бундшен подобра од било кога во пролетната кампања на Балман

Ќе се согласиме сите дека Жизел Бундшен изгледа подобро од било кога во новата кампања на Балман за колекцијата пролет/лето 2024-та.

Печатот што го остави во моделингот уште со своето прво појавување е еднакво свеж и ден денес, токму како што е и самата колекција со потпис на уметничкиот директор Оливие Рустенг.

Новата колекција е ода на безвременскиот стил на Пјер Балман којшто ја основаше француската модна куќа во 1945-та со цел да даде форма на поствоениот стил.

Бразилската убавица има неверојатна моќ да ја заведе камерата и да ја пренесе својата самоувереност со говорот на телото.

Нејзиниот безвременски шарм совршено се совпаѓа со колоритната пролетна колекција која ја слави љубовта, радоста и убавината.

Жизел на фотографиите ја гледаме во креации на Балман налик на дизајните од 80-те, украсени со цветови, интересни форми и нагласени рамена.

Фото: Instagram