Чизмите што ќе ги носиме есенва

•

15 август 2017

На многу жени чизмите им се еден од омилените модни додатоци кога е сезоната есен-зима во прашање. Што се однесува до претстојната, ако имате добри и квалитетни чизми опд претходната, тогаш нема потреба да инвестирате во други, бидејќи трендовите се речиси исти.

Луј Витон, есен 2017, фото извор: Vogue.com

Конкретно во овој случај, зборуваме за високите чизми. Рамните чизми до или над колена ќе се апсолутен хит и оваа есен-зима и тоа оние еднобојните, најчесто изработени од велур.

Штом имате рамни, тогаш логично е да имате макар и едни на висока потпетица, без разлика дали сакате или не сакате да ги носите.

Во овој случај, изборот е малку поголем. Од класични, еднобојни, како што се и рамните само на потпетица, до оние со везени детали, речиси сè доаѓа предвид – велур, кожа, крзно, украсни детали, токи, везеници...

фото извор: Vogue.com

Интересно е што „шпицот“ сè уште се држи високо на модната сцена, па така модните стручњаци сè повеќе типуваат на такви модели. Секако, се работи за блага форма на шпиц, во кобминација и со тенка и со дебела потпетица – и двете варијанти се добредојдени.

Есенва ќе носиме и чизми со принт, велат модните инсајдери. Пепито дезенот и неговите варијации ќе биде еден од најпопуларните.

фото извор: closetfulofclothes.com

Во продолжение ќе погледнете какви сè чизми ќе доминираат на светската модна сцена. Ние пак овде, ќе мора да се приспособиме на понудата што ќе ја добиеме и да пробаме да се вклопиме онолку колку што можеме или ни е пружено.

Алтузара; фото извор: Harpersbazaar.com