Дајте им главен збор на здолништата

Во тој контекст, овој пат во центарот на вниманието ги посочуваме здолништата, модно парче кое е задолжително во гардероберот на секоја припадничка на понежниот пол. Без разлика на должината и формата, бојата, принтовите, асиметричниот крој, ресите, наборите или пак моделот на парчето, здолништето дозволува модификација според начинот на комплетирање на изгледот.

Доколку сакате лежерност која нуди комфорност за функционирање во текот на целиот ден, ние ви предлагаме здолништето да го комплетирате со волуменозен џемпер со интересно плетиво или пак едноставен модел на маица, за фокусот да биде насочен кон долниот дел од стајлингот. Доколку пак, сакате комбинација која ќе биде подеднакво ефектна како за дневен, така и за вечерен изглед, тогаш истото комплетирајте го со ролка, блуза со нагласен пеплум или апликација, сако или транспарентен џемпер.