Во текот на жешките летни денови сакаме удобност и лежерност, особено кога сме на одмор и нашата секојдневна активност вклучува одење од сместување до плажа, од плажа на кафе и обратно.
Во постојаната потрага по совршената лежерна комбинација за овие моменти, покрај вечниот избор на ленени и сатенски широки и удобни парчиња облека, градниците успеавме да ги трансформираме во сосема прифатливи топови, а памучните боксерки во најчест избор за панталони за летната сезона.
Ова секојдневно парче облека е несомнено едно од најудобните, а со тоа е и едно од најомилените за многумина. Во комбинација со едноставен топ на прерамки, памучна маичка, предимензионирана кошула и меки мокасини, дури и „најобичните" модели на памучни боксерки можат да изгледаат совршено елегантно.
Голем број на брендови веќе продаваат готови комплети од боксерки и кошули или маички, а изборот на бои и дезени е бескраен. Ова се неколку примери како да ги носите вашите памучни боксерки ова лето.
Фото: Pinterest