Скоро 50 години по лансирањето на својот прв лак за нокти, француската модна куќа Диор одлучи да ја промени формулата и да креира нова колекција лакови Vernis Couture Effect Gel.
Овие лакови даваат одличен ефект на гел за нокти, сличен како оној што го добивате во салоните за убавина.
Новите, свежи и интензивни бои на лаковите на Диор имаат сјаен, „стаклен“ отсјај, но и висока издржливост, што е обезбедена од формулата збогатена со органски силикон.
Поради таа состојка, лакот на површината на ноктот ќе се задржи подолго време и истиот ќе изгледа беспрекорно, а љубителите на органската козметика ќе бидат задоволни бидејќи истиот е 80 проценти природен.
Во новата колекција има вкупно 21 нијанса на бои, а меѓу нив се наоѓаат и омилените класици, но и свежи и одлични нови бои!