Модни додатоци и шминка од модната недела во Лондон

Том Форд

Англичаните и сите вљубеници во модата имаа шанса да уживаат во разни модни ревии и перформанси од 14 до 18 февруари во британската престолнина, а од трендовите кои беа прикажани мораме да признаеме дека ненападната шминка и природниот изглед и понатаму владеат буквално насекаде.

Burberry Prorsum

Пред се мора да нагласиме дека предност се дава на негуваната кожа и нежната нијанса на пудра која не е неколку нијанси потемна од природниот тен. Освен на ревијата на Кристофер Кејн каде манекенките имаа тотално природен изглед,  на ревијата на Том Форд моделите имаа smokey eyes и блед кармин, на ревијата на Burberry Prorsum моделите имаа беж сенка на очите, а од модните додатоци преовладуваа тенките ремени и флоралните, апстрактни принтови како на чантите, така и на креациите.

Giles

Интересна беше шминката на ревијата на Giles каде моделите имаа  нагласен син молив на долниот дел од очниот капак. На ревијата пак на Ердем,  моделите исто така беа нашминкани со тенка линија на долниот капак,  но во црна нијанса со прамени од косата спуштени на предниот дел од лицето, додека пак на ревијата на Џонатан Сандерс, манекенките имаа залижана фризура, сенка на очите во бордо нијанса и кармин во истата боја и секако за крај неповторливата Вивијан Вествуд секогаш знае да изненади со нешто интересно, а тоа овој пат беа шапките во разни форми и нагласените усни со црвен кармин.

Вивијан Вествуд